Shillong: Mynta ka sngi ki pulit jong ka East Jaintia Hills ki la leit khynra ha Kongong bad ha ki jaka ba marjan, ha kaba ki la ioh ban kem ia u El Phon Dkhar (22) bad Meklison Siangshai (26).
Ka jingkem ia kitei, ka dei halor ka jingshah shoh jong ka kong Agnes Kharshiing bad ka Anita Sangma kaba la jia myn hynin ka sngi ha Tuber Sohshrieh hapoh ka Khliehriat Police Station. Ki pulit ki la shimti ia ka jingtohkit halor katei ka jingjia, ha kaba la pynhap ha ki kyndon jong ka jingthmu ban pyniap bad lute ia ka kong Agnes bad ka Anita Sangma.