Shah kem ar, ki nongialam Sengbhalang

Jowai, 15 K’Lyngkot:
Mynta ka sngi ki pulit ka nongbah Jowai ki la kem ia ar ngut ki nongialam sengbhalang na rilum jaintia halor ka jingdonkti jong kti ban dawa pisa bad shoh pyn mynsaw ia uwei u rangbah hynnin ka miet ha Ladmukhla.
Kitei ki ar ngut ki dei kiba la tip kyrteng kum u Pynbiang Rymbai uba dei u President ka Ñiaw Wasa Youth Federation (NWYF) bad u Secretary jong ka u Palmon Sari kiba dei na ka shong Mukhla hi.
Ka khubor pulit ka la iathuh ba hynnin ka meit ha ka por 9 baje mynmiet u wei u briew uba la tip kyrteng kum Constantine Thubru uba na ka shong Namdong B u la wan da ka kali ban phah maramot ia ka ha kawei ka Kharkhana kaba don ha Lumsuwe, Ladmukhla, West Jaintia Hills.
La iathuh ba kyndit kitei ki ar ngut ha ryngkat ki paralok hapdeng ka jingshongshit kyiad ki la wan ban dawa pisa na utei u ma Thubru bad haba u la kyntait ban ai ia katwi ka pisa kaba la dawa haduh 7 hajar tyngka, ki la bom la shoh bad byrngem ban pyniap ia u. Hadien ba ki pulit ki la ioh ka jingujor na utei u rangbah, mar mar ki la thwet ia kitei ki heh nongialam ka ÑWYF bad ki la iohkem noh ia ki dangstep phyrngap mynta ka step. Ki pulit ki la pynngat ia ki hapoh ki kyndon 341,307, 384, 325, 506 bad 34 IPC. Hadien ba la leit ialam ia ki ha khmat ka iing bishar, na ka liang ka iing bishar badon burom ka la set along ia ki hapoh ka Judicial Custody na ka bynta 14 sngi.