Shah kem 6 ngut, kurup 2 tylli ki kali

Shillong,15 Nohprah:
Ki pulit ka Jowai ki la rejistar da ka Suo moto Case ba ha ka 12 tarik mynta u bnai ha ka por 11:42 baje mynmiet ki la ioh jingtip lyngba ka phone na u Wanchema Laloo, u nongpeit ia ka jaka thew kali ha 7 mer, uba la pyntip ba ka don kawei ka bolero kaba thymmai kaba thmu ban lute na kawe ka trok kaba don ia u nombar AS-01GC 7853 kaba pynieng hajan katei ka jingkieng thew kali.
Hadien ba la ioh ia katei ka jingtip ki pulit ki lap pynban ba la don ba ki briew ki la phet krad bad ki la ieh ia katei ka bolero, na katei ka Bolero ki pulit ki la ioh kurup lai tylli ki petrol bomb bad kawei ka dieng lyngkhot. Katei ka Bolero ka dei ka jong u Subhash Dkhar na Lad Rymbai uba la ujor sha ki pulit ka Lad Rymbai ba ka kali jong ka la jah na phyllaw ing.
Dei ha ka 13 tarik mynta u bnai ba ki pulit ki la ioh kem 6 ngut ki briew kiba la tip kyrteng kum u Dapmain Shylla, Berli Suchiang, Daniel Phawa, Amechanki Manner bad u Janki Lamare, na kitei ki pulit ki la kurup ar tylli ki kali ka Maruti Zen kaba don ia u nombar ML-09-2622 bad ka Maruti kamai ( Taxi) kaba don ia u nombar ML-04-7515.