Shah kem 6 ki trok ba kit palat

Jowai, 27 Iaiong:
Haduh 6 tylli ki trok kit dewiong ki la shah kem hynnin ka janmeit ha ki pulit ka West Jaintia Hills namar ka jingkit palat pud jong ki ia u Dewiong ban shalan shabar jylla.
Kitei ki trok kiba shah kem ki dei kiba don ia ki No. ML04A-1987, ML04A-8029, ML04A-8057, AS01AC-7471, AS24C-2255 bad ML04B-1223 ha kaba ki pulit kila bat bad kurup ia ki mar da kaba register mukotduma ia ki hapoh ka kyndon 188/34 IPC bad 194 MV Act. Ia kitei ki trok la ioh ban kem ha ka por 4 haduh 6 baje katba ki pulit ki dang pynlong ia ka jingkhynra kali ha Phramer katkum ka hukum jong ka NGT. Ka jingkit ia ki mar ki matta ka long tan 9 ton bad kane ka lng ym tang ka hukum jong ka NGT hynrei kadei ruh ka hukum jong ka Supreme Court. Hynrei ki trok dewiong ha ka jylla ki la kit palat pud haduh 27 lane 28 ton bad kane ka la wanrah ia ka jingduhnong kaba shyrkhei ia ka sorkar jylla namar ka jingkhien kaba la siew sha ka sorkar katkum ka Challan ka long tang na ka bynta ka 9 ton.
Kaba lyngngoh ka long ba kaei ka daw ba ki jaka thew Weigh Brigde jong ka tnad Transport ha Amsarin bad Byrnihat ki pyllait ia kine ki trok. Ki Paidbah ki buh ka jingkylli hato kadei namar ba donkti ki Politician ban pyniaid ia kine ki jaka thew. Ka la don ruh ka jingkynnoh ba kito ki briew kiba pyniaid ia ki Weighbridge ka Transport Department kidei kiba don jingiadei ba hajan eh ki katto katne ngut ki Minister. “Mano ba pyniaid ia ka Weighbridge ha Byrnihat, ki pulit ki la dei ban tohkit bniah ioh dei pynban da ki khun kiba heh ba hain”, la kylli ki riew paidbah.