Ki pulit ka Lad-Rymbai Beat house, ki la ioh ban kem ia ki ba rongtuh ia ka kali Bolero pic- up ryngkat bad u nongniah jong ka.Ia kane ka kali Bolero Pick-up la rongtuh, na Umpleng, kaba don hajan Jaintia Cement East Jaintia Hills ha ka 15tarik Naitung 2013, da kaba ki leh mynleh kumba ki mut ban phah ban leit kit jhur na Silchar.
Ki pulit hadien ba ki la ioh ka jing ujor halor kane ka jingshah rongtuh ka kali jongka kong Sinal Sutnga kaba don u No. ML04 B 4089, ryngkat bad u nongniah uba dei hi u lok jongka u Muntu Sheikh, ki la pynlong ka jingbud dien ban lapksai ia ka bad da ka jing iarap ki pulit ka Patharkandi Thana, ki la ioh kem ia ki san ngut kiba don kti ha kaba rongtuh ia kane ka kali ha ka 18tarik Naitung2013, kita ki long u Md Sahidul Alam 26 snem u Md Faruk Udin 23 Snem kiba na Katigora Assam, u Jamir Husein 27 snem u Guddu dass 33 sem kiba na Badarpur Assam bad u Faruk Udin 23 snem na Kalain Assam; katba ia ka kali pat ki pulit ki khlem pat ioh kem, namar ba la rah ia ka da u wei pat u paralok jongki. Ia kine ki nongtuh kali la shimti da ki pulit ka Ladrymbai Beat House, ha ka 19tarik Naitung 2013.
U Muntu Sheikh, u lok jong ka kong sinal Sutnga u la ong ba u lait da ka said na ka jingiap, namar ba ki san ngut ki kit ia u sha kawei ka jaka, hadien ba uwei pat u paralok jongki u la rah noh ia ka kali; kine ki san ngut ki thmu ban pyniap ia u Muntu Sheikh da kaba ki bret ia u sha um ha kawei ka wah kaba don ha ki thain Karimganj; hynrei donbok ba u khlem iap bad u jngi sha ryngkew bad wad jingiarap. Mynta u Muntu Sheikh u don ha ka jingshah sumar ha Assam.
Phi don ban ong eiei?