Shah kem 5 ngut ki nongkhaii drug na Mawlai Phudmuri

Shillong, 01 Naitung:
Ha ka 30 tarik u Jylliew, ha ka por nohphai sngi, hadien ka jingioh jingtip ba ki la don ki suba nongdie drug bad narcotic ha Mawlai Phudmuri Pdengshong, ki pulit ka Mawlai PS ryngkat ki dkhot ka Special Cell, Shillong ki la her wut wut sha katei ka jaka bad riam ia kitei ki suba nongdie drug hajan ka Don Bosco Musuem.
Na katei ka jingkhynra, 5 ngut ki la shah kem ki kynthup ia u Pynhunlang Dohtdong, 30 snem ka rta na Mawlai Phudmuri, Pdengshnong , u John Sunny Lyngdoh 27 snem ka rta na Golflink, Shyiap, , u Pailaskhem Dohtdong, 26 snem ka rta na Mawlai Phudmuri, Pdengshnong , u Alan Marwein 18 snem ka rta na Jaiaw Shyiap, bad u Kenny Jyrwa 19 snem ka rta na Mawlai Mawiongrim katba ki dang wan da ka kali kaba don ia u Regn/No. ML05 M 2453 (Swift Dezire) .
Kitei ki ba la wan da ka kali ki dang thmu ban rung sha ka kompon ing jong u Pynhunlang Dohtdong bad na met jong ki la ioh ar tylli ki jingthep kiba stem bad 22 tylli ki jingsong kot kiba la khia 2.60 gram kiba dei u drug. Ka jingjopm jong kane ka jingkhynra ka dei ka jingiatreilang jong ki paidbah jong ka Mawlai Phudmawri, kiba kwah ban nym don kino kino ki kam be-ain ha ka shnong jong ki.