Guwahati: Ki pulit ka Charaideo District ha ryngkat ki tnad shipai na Sapekhati COB jong ka 244 fd.Rgt ba la ha ka 22 tarik u iaiong 2020 ki la ioh ban kem ia ki 5 ngut ki ehrang ba la rim jong ka seng lehnoh The United Liberation Front of Assam ULFA(1). La iathuh ba halor ka jingioh jing tip ia ka jingwan rung jong ka seng lehnoh ULFA (I) hajan khappud jong ka Assam Arunachal Nagaland ba kine ki 5 ngut ki briew la suba ki ba rieh tngen ha kawei ka ing jong u Bhuvan Gogoi na ka shnong Taira Satianaguri.
Na ka liang ki pulit Charaideo district hapoh ka jingialam jong u S. P ka Charaideo ha ryngkat ki tnad shipai na Sapekhati COB jong ka 244 fd.Rgt hapoh ka jingialam u CO jong ki, ki la pynlong ia ka jingker kut bha ia ka shnong Taira Satianaguri bad ki la sdang ban wad ia kine ki 5 ngut ki snar ehrang jong ka ULFA (I) bad la ioh ban kem na ka ing jong u Bhuvan Gogoi.
Kine ki 5 ngut ki ba shah kem ki dei kiba latip kyrteng kum u SS Sgt Maj Simanta Gogoi u SS.sgt Apurba Gogoi,u SS.sgt Maj Biraj Asom,u SS pvt Lakshyajit Gogoi,u SS.pvt sidharta Gogoi.
La iathuh ruh ba u Shah After Maj Simanta Gogoi bad u SS Sgt Apurb Gagoi ki dei snar ki ba la thwet bha da ki pulit hapdeng ka ULFA (I). U Simanta Gogoi, u dei ruh, uba la ju sin ruh kum u IED expert. Kine baroh ar ngut ki dei ki ba don kti ha kawei na ka jingjia ha Sivsagar Charaideo District ha u snem 2012 halor ka jing don kti ha ka kam rahbor bad pyniap briew bad ha kiwei de ki kam pyntriem.
La ia thuh ruh ba ki don kti ruh ha ka jing ia siat ha kawei ka karkhana slasha ha Kanubari bad ha Sapekhati petrol pump.
Ki don kti ruh ha ka ban rahbor ia u manager jong ka Timon Habi tea Estate bad ka jingdonkti jong ki ha ka jing pynbthei bom ha ka sngi laitluid ha Teok Ghat ka ba hap hapoh ka Sonari Police station. La iathuh ruh ba ha ka por ba ioh kem ia kine ki 5 ngut kim don ia ki tiar ialeh ha kti jong ki bad lyngba ka jing ialam bad pyni jong ki sha ka jaka buhrieh ba la tep ha khyndew ha ka 23 tarik u iaiong 2020 mynstep phyrngap sha ka jaka ba jngai kumba 200 metar na ka ing ba ki rieh tngen la ioh ban kurup shibun ki tiar ialeh. Na kane ka jaka la ioh ban kurup ia ki tiar ialeh 3 tylli ki MQ 81 Assault Rifles,8 tylli ki Magazines of MQ 81,323 tylli ki MQ 81 Ammunition: kawei ka 7.65 mm Pistol (Russian Made) bad kawei ka magazine, kawei ka 0.22 mm (Factory Made) ha ryngkat ka magazine, 2 tylli ki 0.22 Ammunition, 2 tylli ki 7.65mm Ammunition, kumba 2 kilo ki Gelatine tiar pynbthei (Explosive material), Cordex – 3 Mtrs (7 Pieces), 16 tylli ki Detonators, ki Misc – ULFA(I) ki riam uniforms bad shibun ki tiar ki ba ki pyndon kam man ka sngi, ki dawai u ba kynthup ia u Pouches bad kiwei kiwei.
Ia kine ki 6 ngut la kem noh, kaba kynthup ia ki 5 ngut ki ULFA bad ia u trai ing u ba pynrieh ia ki.
La ong ruh ba ka jingdon jong ki ha katei ka jaka ka lah ban don jing ma halor ka jing wan jngoh jong u Myntri Rangbah jong ka Assam ha Charaideo District.
Ia baroh kiba la shah kem la pynkhuid (sanitized) bad scanning bad ban leh ia ka test u covid19.
Ka jing shah kem jong kine 5 ngut ka dei ka jing pyntroin ia ka seng lehnoh ULFA(I) bad ia ki kam pyntriem jong ka ha kane ka jaka.
Phi don ban ong eiei?