Mynta ka sngi, ha ka por 4baje mynstep, ki pulit jong ka Mawlai, ki la ioh bat ia kawei ka Tourist Taxi, kaba don ia u num ber ML 05 H 8180 bad ynda haba la talasi, la lap ia ki 25tylli ki bateri bad haba la tohkit, ki runar, kiba don ha katei ka kali, ki iathuh ba ki la tuh, na kiba bun ki tnum mobile ha Ri Bhoi. Kitei ki runar, ki dei kiba don kti ha kiwei de ki kam pyntriem ha ki bynta jong ka East Khasi Hills. La kem ia U Noor Muhammad Khan (25), U Ranjan Barman (32), U Bajendra Burman, U Sudip Acharjee bad U Biswajit Roy bad la kurup ruh ia katei ka kali bad ia uba shimti ia kitei ki tiar ruh, U Ahat Ali jong ka Kamrup Hajo, uba thied ia ki tiar jot, la kem lang mynta ka sngi.
Phi don ban ong eiei?