Shah kem 4 ngut ki dkhot ka HNLC na Jakrem

Shillong, 21 Naiwieng:
Saw ngut ki dkhot ka Hynniewtrep National Liberation Council (HNLC) ki la shah kem mynta ka sngi, ha ki pulit ka South West Khasi hills district na Jakrem kaba don hajan ka Mawkyrwat.
Napdeng kine, ar ngut ki dei ki dkhot ka seng bad ar ngut ki dei nongiarap ia ka seng, la ong ki pulit. Ki pulit ki la ioh kem katba ki dang shong ha kawei ka bus ha katei ka jaka.
Kiba shah kem, ki dei ba la tip kyrteng kum Sakaria Thongni,u Gol den Star Lyngdoh, Pynshailang Nongtrai bad u Federick Syiemiong.
U SP ka West Khasi hills district u Debangshu Sangma u la iathuh ba la ioh kem ia ki hadien ba la pynap shrip ba la ioh jingtip ia ka iaid ka ieng jongki. La ioh kem ha ka por 12 baje mynsngi.
U Sakaria Thongni u dei na shnong Mawpdai bad la pynngat teng ha ka Meghalaya Preventive Detention Act ha u snem 2008.
Na kine ki dkhot, la ioh kurup ki kot ki sla kynthup ki shithi dawa pisa jong ka seng bad ka SIM Bangladesh.
Ka Kashari ka la pyn ngat hynniew sngi ha ka jingtohkit jong ki pulit ia kine kiba shah kem.