Shah kem 4 ngut ba jubor ka kwah pulit

Shillong, 1 Nohprah:
4 ngut ki samla ki la shah kem ha ki pulit na ka daw ba ki leit ba pyniarap ia ki bahaing hasem, ki paralok jong ki ban ioh rung kam pulit. Mynta ka sngi u bah L.Syiem, MPS u la ujor pulit ba u Walter Jones, 27 snem karta u la phah da uwei pat u briew uba la tip kyrteng kum u Opland K.Jahrin ban leit ia khun ia ka Physical Efficiency Test na ka bynta jong u ban ioh rung sha ka kam UBSI kaba don ha 1st MLP Batallion, Mawiong-Shillong.
Ki pulit ki la kem ia utei u nongwan iarap. La lap biang ruh ba u Phrancis Ramsiej , 28 snem karta u la phah da u Marvelous K Jahrin ban leit pyniakhun lem na ka bynta jong u , ia utei ruh la kem. Kham ha shuwa ia kane, mynhynnin ka sngi u Bidonshai Syiemlieh, 24 snem karta bad u Bidorsing Syiemlieh ki la phah da kiwei pat ki briew ban leit thew rynieng ha ka jaka jong ki ha ka por ba dang ia khun ban iohrung ia ka kam UBSI, kitei 2 ngut ki la shah kem.