Shah kem 4 ki GNLA

Shillong, 27 Nailar:
Saw ngut ki snar ka seng lehnoh GNLA ki la ngat ha jar ki pulit ha kane ka sngi Nyngkong. Ki pulit jong ka West Garo hills ki la ioh kem ia kine ki dkhot ka GNLA na ka thain Tetengkol kaba don ha Tura. Ki pulit ki la ioh kem ia ki katba ki dang bunkam ha ka jingleit sam shithi dawa pisa ha katei ka thain ha ka por janmiet.
Kiba shah kem la ithuh kyrteng kum u Shilpa A Sangma ba ju khot sin kum u Gotak (23 snem na shnong Rongram, u Batush B Marak ba khot sin Gilsang (23 snem na shnong Purakhasia, u Rohen Sangma bad u Penaji D Sangma.
Ki la pulit ki la ioh kem ia ki hadien ba la ioh ia ka jingtip kaba thikna ia kane ka jingthmu jong ka seng.
Ki pulit ki la ioh kurup ruh ia ka tiar ialeh kynthup ka pistol 9mm, 2 tylli ki synduk kuli, , 8 tylli ki kuli bad ki mobile.
Ki pulit ki la ioh kurup ruh ia ka shithi dawa pisa bad ka seal na kine ki dkhot ka GNLA. Ia kine ki dkhot la bthah da ki nongialam ka seng ban leit sam ia ki shithi dawa pisa ha ka thain Tura bad ka Rongram.