New Delhi:Kumba saw ngut ki briew na ka thaiñ shatei lam mihngi bad lai ngut na jylla Meghalaya lem bad uwei na jylla Assam, la kem noh da ki pulit jong ka jylla Goa, hadien ba la kynnoh ba ki la thok ia ki nong shong shnong jong ka ri Amerika.
Kine ki saw ngut ki briew na thaiñ shatei lammihngi, ki dei lai ngut na jylla Meghalaya bad u wei na jylla Assam, ki dei na ki khyndai ngut kiba la kem noh da ki pulit ka Goa, haba iadei bad kane ka jingjia.
Kine ki khyndai ngut ki briew ki la thok ia ki nong shong shnong ka ri Amerika, ha kaba ia kine la ithuh kum u Akash Biswa, Akash Sunar bad u Ajay Biswa kiba dei na jylla Meghalaya.
U Tanmoy Dasgupta na jylla Assam, U Kesang Tamang na jylla West Bengal, u Ghachi Alfarx bad u Vinayakwana Makhwana na jylla Gujarat, lem bad u Rahul Sarsar bad u Rehan Shaik na Mumbai.
Kine kiba shah kem ki la don kawei ka call centre thok ha kaba ki la pynmih ia ki jingtip lyngba ki kot ki sla ba shu shna thok ia ki nong shong shnong jong ka ri Amerika, lyngba ka X-lite App.
Ki pulit ki la ioh kurup noh ia 9 tylli ki laptop, 9 tylli ki mobile phone lem bad kiwei pat ki tiar ha ryngkat ka pisa ba 65,000 hajar tyngka.
Phi don ban ong eiei?