Shah kem 3ngut ki nongkhaii droks bad ka pisa ba T.3lak

Shillong:Ki Pulit jong ka East Jaiñtia Hills District, ha ka miet jong ka sngi ba ar, ha ka por kum ba 10.30 mynmiet, ki la ioh ban kem noh ia lai ngut ki briew, kynthup ia kawei ka kynthei briew bad arngut ki shynrang, hadien ba la ioh ban kurup ia u drok na kitei ki briew.

Katkum ka jingiathuh jong ki khubor pulit, kitei ki nong khaïi drok ba la tip kyrteng kum u Passar Uddin bad u Dipak Bidya kiba dei na nongbah Shillong, katba kawei pat ka riew kynthei kaba la tip kyrteng kum ka Maya Gwala ka dei kaba shalan ia kitei drok.

Ia une u drok la kurup na kawei ka bus kaba don ia u number AS-01-FC-8199 ha ka por kumba 1.30 mynstep ha Umtyra.

Na ka liang jong ki bor pulit ki la pynngat kyndon ia kine ki lai ngut, katkum ka NDPS Act ha ka jing don ryngkat lang u nong sakhi.Ha ka jingtalasi ia kane ka kali, la lap ia u drok heroin ba khia 100.56 Gram.

Haba iadei bad kane ka case, ki pulit jong ka East Jaiñtia hills District, ki la her sha nongbah Shillong ban kem noh ia ka Pushki na ïingsah jong ka na Polo. Kane ka briew kaba dei ruh ka nong plan ia kane ka kam.La register case pyrshah ia ka Pushki ha Khliehriat police station katkum ka mukotduma number 37(5)2023u/s21(b)29 NDPS Act bad ka jingtohkit ka dang iaid shakhmat.

Na kitei ki lai ngut ki briew, nalor u Heroin ba 100.56 Gram la kurup ruh ia ki lai tylli ki mobile phones, ka pisa ba 3.34 lak tyngka ha ryngkat kawei ka ATM card bad Pancard.