Shillong:Ha ka step jong ka 3tarik Iaiong 2023, ha ka por 9baje mynstep, ki katto katne ngut, ki dkhot jong ka Hynniewtrep Achik National Movement (HANM), ki la leit sha ka Miracle Spring View Guest House, kaba don ha Mawdiangdiang bad ki la byrngem byrsit ia ki nongwan kai, kiba don ha katei ka jaka sah pyngngad. Kitei ki nongwan kai, ki dei kiba wan kai na ka bynta ar sngi sha ka jylla, ba kin wan peit ia ki katto katne ki jaka mane blei bad ban peit kai ia ki jaka ba itynad.
La iathuh ba kitei kiba wan, ki byrngem ruh ia u trai jong jong katei ka iing sah bad katei ka la pyntieng ia u trai jong katei ka iing bad kumjuh ia kitei kiba wan sah ha katei ka jaka sah. Ki pulit ka Rynjah, ki la shimti ia ka jingtohkit, katba kum ka Rynjah P.S Case No. 39(04)2023 u/s 506/342/34 IPC bad lai ngut ki la shah kem mynta ka sngi. Ki bor pulit jong ka East Khasi hills, ki maham ia kino kino kiba pynthut ia ki briew, kiba wan shangkai sha ka jylla.
ka Sorkar ka dei ban wad lad ban pynduh noh katto katne kine ki seng pynsniewlang ieh tang ki seng ba pynbhalang bashisha.