Shah kem 3,ki nongiarap GNLA

Shillong, 28 Naitung:
Lai ngut ki briew ki la shah kem halor ka jingkynnoh ba ki donkti ban iarap ia ka Garo National Liberation Army (GNLA) katba ki dang sam shithi dawa pisa jong ka GNLA ha thain Man cachar.
Ia kine ki lai ngut la kem ia ki ha kane sngi u Blei na Kakripara kaba don ha ka Mancachar police station kaba don ha Dhubri district jong ka Assam.
Kitei ki lai ngut ba shah kem la tip kyrteng kum u Dulal Miah 30 snem ka rta ban a Mancachar, , u Biswajit Koch 20 snem bad u Aldrin Sangma 22 snem ki dei na thain Purakashia ka South West Garo Hills. Ki pulit ka Dhubri ki la ong ba kitei ki lai ngut ki donkti ha ka ban sam ia kitei ki shithi dawa pisa ha Mancachar. Ki sam ia kitei ki shithi dawa pisa ha ka kyrteng ka GNLA na ki nongkhaii ka Mancachar.
Ka bor synshar District na Dhubri bad West Garo Hills district ha kane ka sngi saitjain ki la pynlong ia ka jingiakynduh bad ki sengbhalang bad ki la kular ba kin pynbiang ia ki bor jingiada ban ai jingshngain ia ki paidbah ka garo Hills. Ka la rai ruh ban pynlong jingialang biang bad ki nongialam sengbhalang, ki nongialam niam na Garo hills bad Dhubri bad ka jingdonlang ki Deputy Commissioners jong baroh ar tylli ki District. Ki paidbah ka Assam na Dhubri District ki la dawa ban wanrah noh da ka jingsynshar President rule ha Meghalaya.