Shah kem 3 ki kynthei ba pynbiej ia ki samla

Shillong, 17 Nailur: Hadien ba la ioh jingujor na ka kong Airis Kharbuli bad ka kong Fadris Kharbuli ha ka 16 tarik mynta u bnai ba kawei ka briew kaba la tip kyrteng kum ka Reshma Mawthoh ka la tyrwa kam sha ki samla kynthei bad shynrang ha kaba ka la thong ba kin ioh kam ha ophis ka sorkar pdeng lada kin siew T. 30,000 kawei ka kam. Ki pulit ka Special Cell ka East Khasi Hills ki la tohkit ia katei ka jingujor bad ki la lap lyngba ki kot ki sla ba la pyni da katei ka kong Mawthoh bad ki lap ba don bun ki jingpynbna kam pulit ha CISF, BSF bad ITBP.
Ki pulit ka Special Cell ki la lah ban thap ia ka kong Reshma da ka jingiarap ka North Eastern Regional Domestic Workers Movement bad ki la ioh kem ia ka ha Pynthorumkhrah, ryngkat kiwei pat ki paralok jong ka ka Durga Thapa 64 snem, ka , Lakshmi Chetri 24 snem na Umkdait katba ki dang don ha ing ka Durga Thapa ha Umkdait. Ki pulit ki la ioh kurup bun tylli ki aplikeshon ryngkat ki kot ki sla orginal jong ki samla pule. La rejistar ar tylli ki kes pyrshah ia ki Sadar PS Case No. 293(9)15 U/S 420 IPC bad Sadar PS Case No. 244(9)15 U/S 420 IPC. La kem ia ki baroh 3 ngut bad ki pulit ki dang tohkit ia kiwei pat kiba donkti.