Jowai: Ki pulit ka West Jaintia Hills hynnin ka sngi ki la ioh ban bat ia ki lai tylli ki kali bad ki nongshong ha kitei ki kali na ka daw ba ki la pynkhein ia ka kyndon curfew na ka bynta ban iada ia ki paidbah na ka jingsaphred saphriang u khniang jingpang corona virus.
Kitei ki lai tylli ki kali kiba la shah bat ha ki pulit ki long ka ML04C- 9591, ML05F -5729 bad Ml04B -9532.
Na ka liang u SP u la iathuh ba kitei ki kali ki la iaid sahuh ha sor Jowai khlem da don satia kino kino ki kam ba kyrkieh bad kiba la buh jingeh ia ki nongtrei ka tnad ka koit ka khiah kiba dang iatrei shitom ban iada ia ki paidbah na ka jingsaphriang sted u khniang jingpang Corona.
Shuh shuh na ka liang u SP ka WJH u bah Lakador Syiem u la dep pynmih ruh ia ka hukum ba ka tnad pulit kan kem bad dain kuna lane set along ia kino kino kiba leh pyrshah ia ka hukum ka sorkar ha kaba iadei ban ia kiar ban iajan para briew lane ka Social Distancing kaba long kaba tang kane kawei ka lah lehse ban iada ia ka jingsaphriang sted u Khniang jingpang.
Phi don ban ong eiei?