Shah kem 2ngut, halor ka jingshah pyniap jong uwei u briew ha Laitkor

Shillong:Ha ka miet jong ka 19 tarik nailur 2023, ha ka por kumba 11 baje mynmiet,ki pulit hadien ba ki la ioh jingtip ba la don u wei u briew, u ba la thiah khlem tip briew shuh ha rud surok ha Laitkor bad ki pulit ki la leit sha katei ka jaka ha kaba ki la lap ha kawei ka pung ha ryngkat ka snam ha katei ka jaka ba set ia ki kali kaba la dei trai da u wei u briew ba la tip kyrteng kum u Farid Mukhim ha Laitkor Mawrie, Lumheh.

Ha ka jingpeit bniah ia ka met jong u ne u briew ki pulit ki la lap ba ka la don ka dak mong na ki bynta jong ka khlieh bad u la iap ruh ha Katei ka por ba ki la lap.

La suba ruh ba u ne u briew u la shah pyniap, kumta ki pulit jong ka kynhun crime seen unit ki la wan ban peit bniah ban lap ia ki jing shisha na katei ka jaka ba la jia katei ka jingjia. Uwei na ki steering ba lah ban dei, ba la pyndonkam bad ka kyiad shiteng bitor la ioh tam na katei ka jaka.

Ha ka step 20 tarik la rah noh ia ka metiap sha NEIGRIMS Hospital Shillong, ha kaba kiba ha ïing ha sem jong u ne u lanot ki la poi bad la tip kyrteng ia u kum u (Late) William Nongrum, u ba 36 snem ka karta u khun jong u Loren Kshiar u ba shong ba sah ha Khanduli.

Haba iadei bad kane ka jingjia la register case ha madanriting Police Station katkum ka case number 96(09)23 U/S 302 IPC bad ar ngut ki briew ba la suba la kem noh tang hapoh 48 kynta, ba la jia kane ka jingjia.

Kum shibynta ban rat dyngkhong ia u drok ki pulit jong ka jylla Meghalaya ha ka janmiet jong ka 20 tarik nailur 2023, u wei u nongñiah sumo, u la ïathuh sha ki pulit, ia kawei ka pla ba la iehnoh ha ka sumo ka jong u da ki arngut ki briew ba shong ha ka kali jong u.

Hadien bala peit bniah ia kane ka pla ha Madanriting Police Station, ki pulit ki la ioh kurup ia ki 21 tylli ki synduk sabon ba don ia u Drok Heroin ba khia 253.53 Gram ha ryngkat katto katne ki jain ha kaba u ne u drikn u shongdor haduh 2 klur tyngka.

Haba iadei bad ka jingkurup ia u drok ki pulit ki la register case ha Madanriting Police Station katkum ka case number P.S case 97(09) 2023U/S 21(c)29 NDPS Act ,ha kaba yn pyrshang ruh ban ioh kem noh ia kiba donkti.