Shah kem 2 ngut ki pulit tuh

Shillong, 4 Nailur:
2 ngut ki pulit ki la shah kem ha ka sngi saitjaiñ, namar ba ki donkti ha ka kam tuh, kitei ki ar ngut ki pulit kiba la shah kem ki dei kiba la tip kyrteng kum u Karan Gurung na ka Armed Branch Constable bad uwei pat dei u Unarmed branch Constable u Chimky Khonglah.
Kitei ki ar ngut ki la shah kem hadien ba ki pulit ki la tohkit ia ka jingujor ba la ujor da u Dhirendra Chandra Das ha ka sngi thohdieng. U Das u la ujor ba ki briew kiba um lah ban ithuh ki la byrngem ia u bad ki la rong tuh T.22,500 tyngka, lai tylli ki mobile phone bad kawei ka camera na ingsah jong u kaba don ha Madanrting.
U SP City u bah Vivek Syiem u la ong ba hadien ba la ioh jingujor la tohkit ia katei ka kam bad la lap ba kitei ki ar ngut ki pulit ki donkti ban leh ia katei ka kam,yn pynngat ia ki ha ki kyndon aiñ bad ki jingpynshitom.