Shah kem 2 ngut ki Muslim, ba tuh bike na Laitumkhrah

Shillong, 26 Jylliew:
Ki pulit ka jylla hynnin ka sngi Balang ki la ioh kurup biang ia ka bike jong u Ram Chandra Tamang ba na Demseiniong Parmaw.
Katkum ka jingiathuh ki pulit la ong ba katei ka bike ka la shah tuh ha ka 25 tarik Jylliew 2014 ha ka por 4.30 janmiet. Katei ka bike Pulsar (ML05-L-3800) la shah tuh na Assam Rifles DGAR, Laitumkhrah, Shillong. Mar ia ioh jingtip ki pulit ki la pynlong ia ka jingap siar ha Maw lai ha ka por 2 baje mynstep hynne ka sngi ki pulit ki la ioh bat ia ar ngut ki briew ki ba dang thmu ban phet moh sha Guwahati. Kine ki ar ngut kiba shah bat ki kynthup ia u Rifikul Islam u ba dang 19 snem ka rta na Barpeta, Assam bad u Ra kip Ahmed 19 snem na Barpeta, Assam ki ba sah ha 4th Furlong Polo, Shillong.
Ha kawei pat ka jingjia mynta ka sngi kawei ka Bike Bajaj Discovery (ML05-7127) kaba dei jong u Afjol Ali ka la shah tuh na Parking Lot mar pyrshah ka Assembly Khyndai Lad Shillong. Ki pulit hynne ka sngi por 3.45 janmiet ki la ioh ban kurup ia katei ka bike najan Old Cherra Petrol Pump, Shillong bad ki la kem ia uwei u Manipuri uba kyrteng u Erengbom Somand uba 35 snem na Imphal West Hiangthang katba uwei u paralok jong u, u la lait phet noh.