Shah kem 2 ngut ki longkmie, ba die Ganja ha 9lad

Shillong, 29 Jylliew:
Hadien ba la ioh jingtip ba ka don ka jing khaii Ganja kaba triem ha ki katto katne ki bynta jong ka nongbah Shil long, ki pulit ka Sadar Police Station mynta ka step ha ka por 10:45 baje eiei ki la leit ban khynra ha ki bynta jong ka Khyndailad, Shillong. Ha katei ka jingkhynra ki pulit ki la ioh kem ia ar ngut ki longkmie kiba die Ganja sop sop shadien jong ka jaka ieng kali ki kali Tourist Taxi na Khyndailad. Ki ar ngut ki longkmie kiba la shah kem ki dei kiba la tip kyrteng kum ka kong Smilda nongbet, 50 snem karta na ka shnong Tyrsad bad kawei pat ka dei ka kong Rolin Nongsiej, 51 snem karta na ka shnong Mawngap-Mawsmai. Na kitei ki ar ngut ki pulit ki la ioh kurup shipla u Ganja uba ki la song bha ha ki kot bad uba la pynkhreh ban die. Katkum ka jingong ki pulit ki la ong ba utei u Ganja uba ki la ioh kurup u khia haduh 2.4 kilo bad u shongdor kumba T.2000 tyngka.