Shah kem 2 ngut ki briew bad kurup drok ki pulit

Shillong:Ki pulit jong ka jylla Meghalaya ki long kiba peitngor bha ban thwet ïa ki nongkhaïi drok ha kane ka jylla Meghalaya ha kaba ki la ïoh ban kem arngut ki briew bad ïoh kurup u drok ba shongdor T.40 lak tyngka.

U Director General ki Pulit jong ka jylla Meghalaya u Dr. L R Bishnoi u la ong ba ki pulit kila long kiba peitngor ban pynthikna ba ki nongkhaïi ïa u drok ban pynjot ïa ki khun samla ka jylla Meghalaya kim dei ban ïoh lad bad bun na ka liang ki pulit kila ïoh ban kem.

Na kitei ki ar ngut ki pulit kila ïoh ban kurup saw tylli ki mobile phone, ka kali kaba don ïa u number AS-23-B-6020 kine kiba la shah kem ki dei ha East Jaiñtia Hills District, ki pulit jong ka jylla kila dang pynkhlaiñ shuh shuh ïa ka jingtreikam ban ïakhun pyrshah ïa ki nongkhaïi drok.