Shah kem 2 ngut halor ka jingshah pyniap ka longkmie ha Laban

Shillong, 16 Jylliew:
Ki pulit ka Laban Police Station ki la ioh kem ar ngut ki briew kiba suba jur ba donkti ban pyniap ia kawei ka longkmie ha Laban kaba la jia kumba ar taiew ei ei mynta.
U SP Ka East Khasi Hills u la ong ba la ioh kem ia kine ki briew hynnin ka sngi. Kine kiba shah kem la tip kyrteng kum u Subash Biswas (19 snem) ba sah ha Khyndai Lad, bad u Pradip Jaswal (37 snem) bas ha ha Lower Lumparing.
“Baroh ar ngut kin don ha kti ki pulit san sngi ban pynlong ia ka jingtohkit”, la ong u SP.
Lah ban kdew ba ka longkmie kaba la tip kum ka Debjani Khan (42) la lap ba ka la shah pyniap ha la iing sah jongka ha Laban. Kham mynshwa, la iathuh ba kane ka longkmie ka la jah na la iing namar ba ka iing jongka ka la khang tala.
Hynrei haba ki pulit ki la pynpra ia u tala, la shem pynban ba ka la iap. Ka thymmei khubor la iathuh ba ia ka met jongka la tap da ki jain.