Shah kem 2 ngut ba shoh ia u SWAT

Shillong,10 K’lyngkot:
U wei u pulit SWAT uba la tip kyrteng kum u Plieborlang Nongsiej u la ujor ba ha ka 9 tarik mynta u bnai ha ka por 9:25 baje mynmiet , katba u dang thmu ban leit sha la ing kaba don ha Umsohsun,Shillong kynsan kynsan haba u la poi ha Wahingdoh marjan bad ka Ram Kri shna L.P. school saw ngut ki khynah samla ki la tur sha u bad ki la khang lynti ia u khlem ailad ba un iaid shakhmat bad mar kumta hi ki la shoh la dat ia u ryngkat ka jingbyrngem byrsit.
Hadien ba la ioh ki jingujor , ki pulit ki la ioh kem ia ar ngut na kitei ki saw ngut , ki ar ngut kiba la shah kem ki dei kiba la tip kyrteng kum u Jesse Obet Skhem lon uba na Jaiaw bad uwei pat u Heh Kupar Nongbri ba na Mawprem. Ia kitei baroh 2 ngut la leit rah mynta ka sngi sha Ing Bishar ha kaba la ai bor ba ki dei ban don 5 sngi hapoh ka jingtohkit ki pulit.