Shah kem 2 ngut ba sam shithi dawa pisa HNLC

Shillong, 4 Lber:
Ki pulit ka East Khasi Hills mynta ka sngi ki la ioh kem ar ngut ki briew kiba donkti ban sam ia ki shithi dawa pisa jong ka HNLC.
Hadien ba la ioh jingtip ba thikna ki pulit ki la ong ba ki la ioh ban kem ia u Vincent Khyriem, 27 snem karta uba shong basah ha Mawlai Maw tawar bad lyngba ka jingphla jong u la ioh kem pat sa ia u Wankerlang Rynjah, 22 snem karta uba shong basah ha Demdeiñ iong. Na u Vincent ki pulit ki la ioh kurup ar tylli ki mobile phone bad 10 tylli SimCard.