Shah kem 2 ki snar lute, namar ka T.2.5lak na Petrol Pump

Halor ka jingshah lute ka Petrol Pump ha West Jaintia Hills, ha ka 10tarik Rymphang 2017, ha ka surok ban leit sha Shangpung, ki pulit ki la kem ia ki arngut ki runar na Cochin, ha ki khyndiat sngi ba ladep, ha kaba ki la wan ialam ia kitei ki runar sha Jowai.
Ha katei ka jingjia, ki don 3ngut ki runar, kiba shong ha ka thuk tuk, kiba la leit lute T.2.5 lak, da kaba pynap suloi ha katei ka Petrol Pump bad ki la kurup ruh ia lai tylli ki mobile na katei ka Petrol Pump.
Ki pulit ka West Jaintia, ha ka jingialam jong U Bah Ploster Syiem, Deputy Superintendent of Police, ki la pynlong ia ka jingtohkit bad ki la ioh ban wad bniah sha Assam bad sha Kerala ruh bad ha katei ka jingtohkit, ki la ioh ban kem ia kitei ki arngut ki runar.
Kitei kiba la shah kem, ki long U Bipul Daimary (23) uba na Hastinapur jong ka Tamulpur Sub Division, ka Assam bad U Roghu Ramchiary, na Goybari jong ka Assam hi.