Shah kem 12 ngut ki suba Khar Bangla

Nongstoin, 17 Rymphang:
Ka HYC Mawshyn rut Circle hapoh ka jingialam jong u samla Sranly Rongrin mynta ka sngi kala ioh ban bat noh ia ki 12 ngut ki suba khar Bangla, na kawei na ki jaka ha Riangdo katba ki dang wan leh mynleh kum ki nongdie jain kiba shu wan tyrwa manla ki jaka ha ki thain nongkyndong.
Ia kitei ki khadar ngut ki suba khar Bangladesh la tip kyrteng u Abudin Shikh, Nimohol Shikh’ u KS. Hook, Aloom Islam, Gurmul Shikh, Ali Husien, HP Shikh , Jisoul Hoge, Bs Husien,kiaamool Ali ,Akmol Shikh  bad u Jonat Hoge.
Hadien ba ka seng kala i shan khmat ia kitei ki 12 ngut kiba dei ruh na ka jaitbynriew Muslim suda kala bat ia ki ban pynlong ia ka jingtohkit bad hadien ka jingtohkit ka seng kala suba jur ba kitei ki bar Ri kim dei satia ki nong India namar kim shymla don satia ia ki kot ki sla ban pynshisha.
Haba iakren bad u Rupang u samla Rongrin u la ong ba kitei ki suba khar Bangla kila wan na ki thain Langpih bad ki thmu ruh ban leit tur sha ki shnong kiba kham kyndong kiba don sha ka thain Mawshynrut da kaba ki leh mynleh kum ki nong tyrwa jain hynrei ka seng kala suba jur ruh na kitei ki suba bar Ri ki don ruh ka jingthmu ban shim kabu ban ioh shongkha shong man khnang ba kin suk ka wan buhai shnong.
Shuh shuh u la ong ruh ba katei ka jingwan tur jong kitei ki bar Jylla kala jia man kapor ha ka thain Mawshynrut bad kaba lah ruh ban buh ia ka jingma kaba khraw ia ka jaitbynriew khasi, na ka jingthmu barieh ka jonh ki, u la ong ruh ba ka seng ka nym shong kli kti hynrei kan ialeh ban buddien khnang ba kan nymlong ka jingma ia ki paid nongshong shnong ka thain.
Na ka liang jong ka seng ka kyntu jur ruh ia ka sorkar Jylla lyngba ki bor badei peit ba kin shimkhia lem ha kaba iadei bad katei ka kam khnang ba kan nym buh jingma ia ka jaitbynriew namar ioh lehse kitei ki bar Ri ki lah ban long ruh ki nong syntiat ban pynjot ia ka Ri bad ka jaitbynriew.