Shah kawang petrol bom ka kali Gypsy, shah thang ka kali kit syiar

Shillong: Mynta ka sngi, ki runar, ki la kawang petrol bomb kawei kali gypsy kaba don ia u number plate ML 01 5716 ha Nongmensong.

Katei ka dei ka kali sorkar kaba ba dang ieng pyrshah ha ka BDW International School Nongmensong, tangba ym tip satia, ka dei ka kali jong ka tnat aiu.

La iathuh ba katei ka kali, ka dei ka jong U SDO Dangar jong ka tnat PWD, U Bah Richard Nartiang. La iathuh ba katei ka dei ka kali, kaba la pynieng ha khmat jong ka iing sah jong u nongniah jong katei ka kali, U bah Treibor Chyne bad ki runar, ki la ioh ban thang ia katei ka kali kaba ieng harud surok.

Kawei pat ka khubor, ka iathuh ba kawei ka kali pick up truck, kaba don ia u number Assam, kaba kit syiar, ka la shah thang ha Mawsiatkhnam. La iathuh ba la rah ia katei ka kali na iew Polo bad mar ia poi ha katei ka jaka, ki runar ki la thang ia katei ka kali.