Shah jied ki nonglehkai ka jylla sha ka NE Senior Men’s Camp jong ka BCCI

Shillong:Ka National Cricket Academy Ben galuru jong ka BCCI ka la jied khyndai ngut ki nongialeh na ka jylla Meghalaya ha ka ban iashim bynta ha ka North East Senior Men’s camp ka ban sdang ha u bnai ban wan.

Katei ka camp yn pynlong ha Guwahati naduh ka 8 tarik Iaiong haduh ka 2 tarik Jym mang 2024. Kiba la shah jied ki kynthup ia u Akash Kumar Chou dhury, Swarajeet Das, Jaskirat Singh Sach deva, Dippu Sangma, Abhishek Kumar, Ram Gurung, Kishan Lyng doh, Raj Biswa and Aryan Borah.

Ka jing shah jied jong kitei ki khyndai ngut ki nongialeh ka jylla da ka All India Senior Men’s Selection Committee jong ka BCCI ka la long halor ka jinglehkai bha jong ki ha ki lympung ba pher bapher jong u snem 2023-24 kiba kyn thup ia ka Syed Mush taq Ali Trophy (senior men’s T20), Vijay Ha zare Trophy (senior men’s one day) bad ka Ranji Trophy (senior men’s first-class).
Kitei ki khyndai ngut ki dei ki nongialeh kiba kongsan ha ka kynhun jong ka jylla ha kaba ki la iarap shibun ha ka ban pynlah ia ka kynhun ban ioh ia ka jingjop ha ki lympung ba pher bapher.

U Ki shan uba la ialam ia ka kynhun ka jylla ha ka lympung Ranji Trophy kaba kynthup tang ki nong ialehkai ka jylla u la lah ban kamai 695 run na ki hynniew tylli ki jingiakhun bad u la long uba nyngkong na ki nongialehkai na ka jylla Meghalaya ban ioh shijur ka century ha ka first class cricket. Nalor jong u, u Raj u dei uwei uba la ioh ruh ar tylli ki century bad kamai 441 run bud sa u Jaskirat uba ioh 422 run kaba kynthup ia lai tylli ki half century.Napdeng kiba kawang bol u Akash uba la ioh ia ka kyrdan kaba 10 ha ka ri baroh kawei hadien ba u la ioh ban weng 34 ngut ki nongtied tang ha ki san tylli ki jing iakhun.
U Aryan u la ioh ban pynkhyllem 23 ngut ki nongtied na ki ar tylli ki jingiakhun bad u Dippu uba ioh 17 ngut ki nong tied ha ka tournament.