Shillong: U Sandeep Sharma u ba dei nongshad Locking na Nirjuli, Andhra Pradesh bad ka Lamonlang Kharjana kaba dei ka nongshad Afro dancer napoh Shillong,Meghalaya ki la long kiwei na ki Top 16 finalists kiba la shah jied sha ka phainal jong ka Red Bull Dance Your Style India.
Kitei ki top 16 kiba la wan na ki khyndai tylli ki sor na kylleng ka ri kin iakhun ha ka Red Bull Dance Your Style India Final ha ka 16 tarik u bnai Risaw 2021 na ka bynta ban ioh rah ia ka nam lahduh kum ka national champion kaba nynkong eh bad ki nongjop kin ioh ruh ban mihkhmat na ka bynta ka Ri ha ka World Final ka ban long ha Johannesburg ha ka 4 tarik u bnai Nohprah 2021.
Ka Red Bull Dance Your Style kadei ka jingiashad kaba bna kylleng ki ri bad ka dei ka sien kaba nyngkong eh ba ka la wan shapoh ka Ri India.
Hadien ka kylla kaba la pynlong ha kaba ki la don haduh 1,500 ngut ki nongshad na kylleng ka ri kiba la iashim bynta bad kitei ki 16 ngut ki la shah jied ban rung sha ka phainal jong ka Red Bull Dance Your Style India kaba la pynlong nyngkong eh ki la shah jied ha ki nongbishar kiba dei nabar kiba kynthup ia u nongshad hip-hop u Diablo, u popper Kite bad u nongshad bad u ba dei ruh u nonghikai shad u Antoinette Gomis.
Kitei ki 16 ngut kiba la shah jied ban rung sha ka phainal ki long: Popper Yuganshu Aggarwal na New Delhi, u nongshad Hip-hop u Sandeep Dhanai na Dehradun, u nongshad Hip-hop u Deepak Shahi na Haldwani hapoh Uttarakhand, Popper Himanshi Gurheriya na Haryana, Popper Raj Kumar Ram na Kolkata bad Popper Manish Yadav na New Delhi.
U nongshad Locking u Sandeep Sharma na Nirjuli hapoh Arunachal Pradesh, Waacker Srilakshmi Muralidharan na Ahmedabad, ka nongshad Afro ka Lamonlang Kharjana na Shillong hapoh Meghalaya, Popper Roshan Banerjee na Kolkata, u nongshad House u Elvis Mascarenhas na Mumbai bad u nongshad Locking u Saurabh Verma na New Delhi.
Popper Jyoti Gusai na New Delhi, u nongshad Hip hop u Deep Das na Thane, Mumbai, Waacker Daliya Chaudhary na Kolkata baf Krumper Karan Nath na New Delhi.
Phi don ban ong eiei?