Shah jied 15 ngut ban iashim bynta sha ka State ‘A’ Chess Championship

Shillong: Ka East Khasi Hills District Chess Association ka la pynlong ia ka District Selection Tournament ha Lama Villa Community Hall, Shillong ha ka 19 bad 20 tarik Naitung, 2019.

15 ngut ki nongialehkai ki la shah jied na kane ka lympung ialehkai chess jong ka East Khasi Hills ban iashimbynta ha ka State ‘A’ (State Rankings) Chess Championship ka ban sa pynlong shen da ka Meghalaya Chess Association.
Ki lai ngut ki nongialehkai kiba wan shakhmat eh ha kane ka lympung ki long u H D Sutnga, u Benedict B. Shaving bad u Bobby Lyngdoh.
Ia ki khusnam ba kyrpang la ai sha i Alisha Lyngdoh (kynthei) bad u Mewan Pynhun Diengdoh bad u Ram Prasad Chakravarty kiba dei ki nongialehkai bym don ka bor iohi.