Shah injek ka Merkel, da u dawai Moderna, ha ka sien kaba ar

Ka Angela Merkel, ka Chancellor jong ka Germany, ka la shah injek noh ialade, da ka dawai Moderna, hadien ba ka la dep shah injek, ha ka sien nyngkong, da ka dawai AstraZeneca, ong ka khubor sorkar hynnin ka sngi.

Ka Merkel, kaba 66 snem ka rta, ka la shah injek, da ka AstraZeneca, ha U Iaiong ba ladep.

Ki don da ki million tylli ki injek, ba la dep ai da ka dawai AstraZeneca ha Europe, hynrei ka don ka jing sngew artatien, namar ba ki don katto katne ngut eh, kiba ioh ia ka jingpang kaba dei bad ka snam lane kaba ki ong blood clot bad kumta, kito kiba dang kham rit rta lane kiba la don jingpang lypa, ki kham kwah ban shah injek noh, da kiwei pat ki dawai.

Ki don da ki phew tylli ki ri, kiba pyndonkam ia ka dawai AstraZeneca ha U Lber ba ladep, lane kiba kham ai jingmut ban pyndonkam ia katei ka dawai, da kiba la kham rangbah.

Ka Germany, naduh U Iaiong, ka la dep ai jingmut, ba kito kiba la ioh ia ka injek AstraZeneca, kin injek noh da kawei pat ka dawai, na ka bynta ka sien kaba ar bad kiba bun kiwei pat ki ri Europe ruh ki la shim lang, da kajuh ka rai.