Kolkata:U Himanta Biswa Sarma, myntri jong ka sorkar Asam bad U Dilip Ghosh, u nongialam ka seng BJP ha Bengal, ki la shah shoh bad shah beh thong, ha ki nongtrei jong ka seng Trinamool Congress (TMC) ha West Midnapore district.
La iathuh ba katei ka jingshah hiar thma jong kitei ki arngut, ka dei ha Khejuri, kaba don ha West Midnapore. La iathuh da U Sarma, ha ka tweet jongu, ba ki nongtrei jong ka seng TMC, ki la khang lynti ia ki, hynrei ki pulit, kim shym la iarap satia ia ki.
“Ki ehrang TMC, ki khang lynti ia ngi baroh arliang bad ki pulit jong ka West Bengal, ki shu peit kai iangi” ong U Sarma. U iathuh shuh shuh ba ki nongtrei ka seng BJP, kiba bun ki la mynsaw bad ki la shah khang lynti ruh.
Ki khubor ki iathuh ba ar tylli ki kali SUV, ki la jot thiaw ha katei ka jingshah shiar thma jong U Sarma bad ki nongbud jongu. Ym tang katta, la iathuh ba ki don 20 tylli ki thuk thuk jong ki nongtrei jong ka seng BJP, kiba la shah pynjot thiaw.
Phi don ban ong eiei?