Shah dung ar ngut hapoh bos ha Mophran

Shillong, 20 Nailur:
Ar ngut ki briew ki la shah dung kynsan hapoh ka bos ha Motphran ha ka janmiet sngi u Blei bad kane ka jingjia ka la pynsuhjer ia ki paidbah ba bun kiba dang iaid ia ieng ha katei ka por.
Katkum ka jing iathuh u SP ka East Khasi Hills u Bah M Kharkrang, kine kiba shah dung ki dei ba la tip kyrteng kum u Donald James Nongsiej bad u Dinar L Lyngkhoi kiba dei na Mawlai. Ia kine ar ngut ba la mynsaw jur la pynkit wut wut sha Civil Hospital, Shillong.
Ka jingjia ka la long ha ka por 7 baje duna eiei katba ki briew ki dang ia bun kam ban siew ia tda ha kane ka jaka.
Hynriew ngut ki briew la shah kem ha ki pulit halor kane ka jingjia bad ki pulit ki dang pynlong ia ka jingtohkit ia kine baroh.
Ha kajuh ka por, ki briew kiba la iohi ia kane ka jingjia, ki la pynpaw ba ka long kaba ishyrkhei bha ha kaba ki snier jong kiba shah dung ki la mih sha madan bad phlei ki snam.