Shillong: Myn hynnin ka sngi, U SDO ka Mairang Civil Sub-Division, ki ophisar na ki tnat trei kam bapher bapher, ki nongialam jong ka shnong pyndeng umiong bad ki VDP shnong ki la hiar jurip kynsan ia ka stetion Pyndengumiong ban peit thuh la ki paidbah la ki bud ryntih ne em iaki kyndon ba la bthah ia ki ba ki dei ban leh kum ka jingdeng ia ki mask, ka jngiajngai uwei na u wei bad kiwei kiwei ki kyndon ba ki paidbah ki dei ban bud ryntih, kaba la ju pynkynmaw ia ki paidbah na ka por sha ka por lyngba ki jingpyrta na ki kor jingpynsawa bad lyngba ki jingthoh ba la tah ha man la ki jaka.
Hakane ka jingleit jurip kawei ka dukan ka la shah khang noh namar ka jingpynkhein iaki kyndon, kata ka jingbymdeng ia ka mask bad ka jingpynrung bun briew shapoh dukan, nangta palat phew ngut ki paidbah ki la shah dain kuna, namar ka jing bym deng iaki mask bad ka jingiadih duma ha ki jaka ba bun briew.
La shain kuna iakine kiba pynkhein kyndon haka dor 30 tyngka ryngkat ka jinghikai ba ki dei ban bud ryntih iaki kyndon ba la bthah, bad na ka liang ka ophis u SDO ka Mairang Civil Sub-Division kin iai bteng ban leit jurip iaki shnong bapher bapher.
Sngewbha, lada long Kaba lah hangne ha Motphran ruh dei ban daiñ kuna iaki ba ia dih duma, sikret, biri biah pathar.