Ka la don ka jing pynkhreh ban pynlong ia ka jingiaseng ha Ahmedabad, hynrei ki shitniam jong ka VHP, ki la khanglad ia ki nong pyniaid jong katei ka seng, da kaba ai daw, ba ki mut ban pynkylla niam ia ki briew.
Katei ka jing ia seng, ka dei ban long ha ka Sngi Palei bad ka sngi thohdieng bad ki nong pyniaid ia katei ka jingiaseng, ki hap ban pynshai ba katei ka dei tang ka jing ia seng duwai, na ka bynta ki shem lanot ha ka jing shlei um, kaba dang shen ha Kerala.
Katei ka jing iaseng, ka dei kaba la ai kyrteng “Barso — An encounter with the Holy Spirit”, ka dei ban long ha Shree Muktajeevan Auditorium ha Maninagar, kaba dei kaba don bun ki Kristan ha katei ka jaka, ong U Reverend Munna Prasad Gupta jong ka Jesus Mission Church.
La khmih lynti ia 500ngut ki briew, ba kin wan sha katei ka jingiaseng, ha kaba yn kren da U Pastor Alwin Thomas bad na ka liang jong ka VHP, ka la maham tyngeh ia kitei kiba pyniaid ia katei ka prokram, ba kim bit ban pynkylla niam ia ki briew jong katei ka jaka.