Shah byrngem ki pulit

Shillong,28 Lber:
Ka SI KD Mar ngar ka la ujor sha ki pulit ka Sadar PS ba ha ka 27 tarik mynta u bnai ha ka por 11:30 baje mynstep , don ba phone ia ka, ha kaba utei u briew uba la phone sha ka u la kam ialade ba u dei u nongtrei hapoh ka Rani Motors Shillong bad ha ka phone u la byrngem ia ki pulit khamtam zia ki pulit ka Madanrting bad Laitumkhrah PS.
Ha kawei pat ka khubor, ka Smt. Parinita Baruah ka la ujor sha Sadar PS ba mynhynnin ka sngi ka 27 tarik u lber don ba phone ia ka bad u briew ba la phone ia ka u la byrngem byrsit bad kren tohmet, ka la iathuh ba uta u briew u ba phone u la plie ruh ia ka e-mail ID ha ka kyrteng jong ka ban pynbud nam ia ka, ka la suba jur ba utei u briew uba la leh ia katei ka kam u dei u lok jong ka hi u Dicky Singh .