Shillong:Uwei u samla nongthoh khubor, na ka kot khubor u Mawphor u la shah ktah kti ha ki riew shim kabu ha ka jingiaid paitbah ka FKJGP, ha ka por ba dang iaid ka rally katba dang poi ha Dhankheti ban leit sha madan iew rynghep, Laitumkhrah.
Lah ban ioh sngew ha kane ka video ba uwei na ki dkhot katei ka seng, u la kylli “Balei me ring video” bad une u nongthoh khubor u la iathuh ba u dei na press, hynrei wat la katta ki la bom ia u da u siej wah lama bad ki la knieh ruh ia ka mobile phone jong u.
Donbok ba une u nongthoh khubor, um shem la mynsaw, namar u phong helmet.
Ha katei ka jingiaid lynti, ki la don katto katne ngut ki dkhot ka seng kiba lah kah durkhmat noh ia lade da kaba pyrshang ban jrong kti ne shoh ïa ki bar jylla, kiba ieng ha surok ne ki driver, ki bym dei khasi kiba lah shah jrongkti.
Lah ban kdew hangtei ba ki bor pulit ki la pynjur ka jingpara ryngkat ki jingda, ki lathi bad ruh ba la pyrkhreh ruh da ki bomb pynsat khmat bad la pynieng ruh de da ki kali pynlip ding. Ha kane ka sngi ka don ruh ka jingdheng kali kaba jur ha ki bynta jong ka sor Shillong.
Hari lajong katba mon
Ngam kwah ia ka jingiaumsnam to ngin pynneh ia ka shongsuk shongsain ban kiew shaphrang ka RI bad ka Jylla
Donkam ba kin phong uniform ne deng ID card nh bn lait na ka