Shah bom u nong leh be-ijot ha u Paidbhur

Jowai, 27 Risaw:
U Suba donkti ban leh be-ijot ia kawei ka samla lud kaba dang hapoh ka rta u la shah bom shnong ha u paidbhur ka shnong Nartiang Pohshnong ha West Jaintia Hills District mynta ka sngi.
Utei  u runar uba la tip kyrteng kum Wan-O Dhar uba dei uba la don bun tylli ki kes pyrshah ia u kynthup ia ka kes thong pisa ban pyniap u la shah khang kerkut ha u paid bhur mynta ka sngi ha kaba ki la bom la tied ia u haduh ba u la mynsaw. Donbok ba ki nongialam shnong ki la ioh ban pyllait ia u na kitei ki paid bhur bad set ia u hapoh iing dorbar shnong tad haduh ban da poi ki pulit ban wan shimti  bad ban kem ia u bad rah syndon ia u sha Jowai Police Station. Utei u briew u la leh be-ijot ia katei ka samla lud da kaba pynap da ka tari na ryngdang ban ialam iaka sha kawei ka iingtrep sah bri ha kawei ka pynthor kba kaba don hajan katei ka shnong.
Utei u runar u la phla ruh ba u la leh ia katei ka kam pohjait bad na ka liang ki pulit ki dang tohkit bniah ia u ymtang ha katei ka kam hynrei halor kiwei kiwei de ki kam runar ba shyrkhei jong u.