Shah beh ki nongialap elekshon na Nongstoiñ

Shillong, 20 Naiwieng:
La ioh jingtip ba hadien ba la kut noh ka por ialap elekshon ha Nongstoiñ, u Deputy Commissioner ka West Khasi Hills District u la beh krad lut ia baroh ki nongialap elekshon jong ki seng saiñ pyrthei bapher bapher kiba wan na kiwei pat ki jaka sha Nongstoiñ. La ong ba u DC u la beh lut ia kiba na bar ki bym dei ki nongthep vote ka Nongstoiñ bad la pyrkhing ioh dang don ka jingialap elekshon hadien ba la kut noh katei ka por ba la buh da ka election Commission.
La ong ba ki satar ialap elekshon jong ki seng saiñ pyrthei bapher bapher ba kynthup ia u bah Ardent M Basaiawmoit President ka seng HSPDP ki la shah beh na sor Nongstoiñ, la ong ru hba ki don kiwei pat ki heh Congress kiba la pyrshang ban sahmiet ha Nongstoiñ ki la shah beh lut mynta ka miet. U Working President ka KHNAM ruh u bah Adelbert Nongrum la ong ba u la shah beh bad ym shym la shah iano iano ruh ki heh jong kino kino ki seng ba kin sah miet hapoh Nongstoiñ.