“Shah beh ha ka RSS, ialam ia ka BJP”

Shillong, 09 Nailar:
Ka BJP ka la thung ia u Tukuram Shetty kum u Organising secretary ia ka jylla Meghalaya.
U Tukuram u dei u dkhot ba la shah beh na ka Rashtriya Swayamsevak Sangh (RSS) halor ki kam tamsneng jongu ha ka rukom pyniaid ka RSS ha u snem 2005.
Haba iakren bad u President ka BJP Megha-laya u Bah Shibun Lyng-doh u la pynthikna ba u Tukuram un sa wan shimti ia kane ka kam ha ka 11 tarik Nailar kata la shi sngi ha kaba ka party kan sa pdiang burom ia u.
“Kane ka dei ka kam kaba thung da ka party najrong, ba un long u Organising secretary ha kane ka jylla”, la ong u Bah Shibun.
U la ong ba u Tukuram un don ha kane ka jylla ban leit ban pynkhlain ia ka party ha kylleng ki jaka jong ka jylla ha kine ki sngi. “Un leit sha Jowai, sha Nongstoin, Mawkyrwat, Tura bad sha kylleng ki jaka ha ka jylla”, la ong u Bah Shibun.
Kham mynshwa ha u snem 2009, ka RSS ka la pynshai ha ki lad pathai khubor lyngba u Shankar Das Kalita ba u Tukuram um dei shuh u dkhot ka seng hadien ba ka la mih khubor ba u donkti ban ialam ia ki khynnah na kane ka jylla ban phah skul sha Karnataka da kaba kam ba u (Tukuram) kam ba u dei u dkhot ka RSS namar ka jingdonkti jongu ban ialam ban buh skul ia ki khynnah na kane ka jylla sha Karnataka.