Shillong:Hadien ki jingioh jingtip kiba bniah ka kynhun jong ki pulit Anti Narcotics Task Forces (ANTF) ka la pynlong ia ka jingkhynra ha jaka sah jongka ha Them metor bad ioh ban bat ia kawei ka nongkhaii droks ba 26 snem ka karta.
Hadien ba la khynra ia ka ïing ka sem ka jong ka la ioh ban kurup noh ia ki jingdih pynbuaid bad ki drok.
Ki pulit ki la pynlong ia ka jingthwet ba jur bha ia kine ki nongkhaïi drok hadien ba la iohi ha kawei ka dur video ba la saphriang sted bha ha ki rynsan social media ha GS Road, ha kaba ar ngut ki kynthei kiba la die Drok ha ki jaka paidbah.
Hadien ba la ioh kem ia kane ka kawei ka briew ba la iohi ha katei ka video ki pulit ki dang pynlong ka jingthwet sa ia kawei pat ka kynthei bala iohi ha katei ka video, kaba donkti ban die Drok.
Ki pulit ki la register case ha Sardar police station katkum ka kyndon jong ka NDPS Act.
Ha ka jing khynra ia ka ïingsah ki pulit, ki la ioh ban kurup ia 92 tylli ki tyndong tin kiba don ia u Drok khia 99.22 Gram,51 tylli ki tin ba thylli,13 tylli ki synduk sabon ba pyndonkam ban song ia u Drok Heroin, kawei ka mobile phone bad u Drok Heroin.
Phi don ban ong eiei?