Shah bat ilektrik, iap u draibar

Shillong: U Nokari Kharkylliang (28) na Nongdom, West Khasi Hills, ula duh ei, ia la ka jong ka jingim myn shisngi, haba ka don ka jingshah bat ha ka ding ilektrik, hajan ka shnong Pomshutia.

Katei ka jingjia, ka dei ha ka por 8baje mynmiet, ha ka por ba ka don ka jinghap slap jur ha katei ka thain.

U bah Nokari, u dei uba niah ia ka trok kit maw, kaba dei ban leit sha Bangladesh bad don kiba iathuh ba ka jingiap jong U bah Nokari, ka dei namar ba ka don ka jing shah bat ka trok ha ka ding ilektrik bad kumta, ka la pur ka ding ha ka met jongu.
Ki pulit ka Pynursla, ki la shimti ia ka jingtohkit halor katei ka jingjia.