Shah bat bor ka samla na Maweit

Nongstoiñ, 28 Nohprah:
Ha ka janmiet jong ka sngi Khrismas kawei ka khynnah samla kaba na ka shnong Maweit West Khasi Hills District, ka la shah leh beijot ha u wei u briew u bala tip kyrteng kum u Shoberwel Wanniang na katei kajuh hi ka shnong kaba la jia ha ka por 3.00Pm ha iing jong ka tei ka khynnah hi katba ka tei ka khynnah ka dang don tang marwei.
Kat kum ka tyllong khubor ba la ioh lum na ki ba haiing jong katei ka samla la iathuh ruh ba u tei u briew hadien ba u la dep ban leh ia katei ka kam poh u la byrngem ruh ia katei ka khynnah ba lada kan iathuh briew un shim wat ia ka jingim ka jong ka, kumta kala pynlong ia katei ka khynnah ba kan hap ban shu sngap. Hadien ka jingtieng bad sngewsih kthang katei ka khynnah samla kala thmu ban bthat noh ia la ka jong ka jingim tang namar ba kam sngew myntoi shuh ban im namar ka jingshah bat bor jubor ha u tei u briew, hynrei katei ka jingthmu kala pulom noh namar la don noh ba wan lap.
Shuh shuh ki ba ha iing jong katei ka samla kila iathuh ruh ba katei ka jingtmu jong katei ka samla ban bthat noh ia la ka jong ka jingim kala jia myn ha ka 26 tarik mynta u bnai ha ka por 3.30Pm hynrei don bok ba ha katei ka por la wan lap noh da ki briew kaba la pynlong ban pyllait im ia katei ka samla.
Shuh shuh ki ba ha iing kila iathuh ruh ba hadien ba katei ka jingjia ki la pyrshang ban tohkit bad ia katei ka khynnah samla bad la lap ruh ba ka daw jong ka iingthmu ban bhat jubor ia ka jingim la jong ka dei namar ka jingbym sngew myntoi shuh ka jong ka ban im hadien ba kala shah bat bor ha u tei u briew.
Kumta halor katei ka bynta na ka liang jong ki ba haiing jong katei ka samla ha ka 27 tarik mynta u bnai ki la leit ban ujor da ka ejahar sha thanad Nongstoin pyrshah ia u tei u briew u ba don kti ban leh ia katei ka kam poh.