Shah ban khyndew ar tylli ki iing, ba ther jubor u lapbah ha Huroi, Hingaria

Shillong: Ha ka 14tarik Jylliew 2024, ka la don ka jinghap slap kaba jur palat liam bad katei ka la wanrah shibun ki jingjulor bad shah tap ki ing briew ha shnong Hingaria East Jaintia hills district.

Ha katei ka jingjia, ki ar tylli ki ing shong briew, ki la shah tap, na ka jingtwa khyndew bad kitei ki dei, ka ing u bah Hamboi Bareh bad ka ka iing, ka kong Belong Lamin.

Nangta ka surok ba pyniasoh ia ka shnong Hingaria shaduh Borghat ka lah sah kut ha ka ba don ka jingtwa khyndew bad sah kut kali. Ka shnong ka lah pynkynriah noh ia kine ki longing sha ki jaka ba kham shngain ban lait na kino kino ki jingeh.Ka Shnong ka kyrpad ia ka sorkar bad ia ka ophis, ba dei khmih ban iarap kham kloi, ia kine ki ar tylli ki long ing khnang ba kin ioh pyndonkam bad ban phah ia ki puh shilum ban pynkhuid ia ka khyndew,pynkut ka kyrwoh na u waheh chnong Hingaria, Bah Samson Lamin.

Kiwei pat ki lad khubor, ki iathuh ba ka shnong Huroi, ruh kaba hap ha East Jaintia hills bad kaba don ha khappud jong ka Bangladesh, ka mad ia ka jingshlei um, kaba jubor bha hynnin ka sngi, ha kaba ka um ka la dap smam bad tap lut ia katei ka shnong.