Shillong: Ka seng Hindu ka Vishva Hindu Parishad (VHP) ha ka sngi Baar ka la thoh sha ka President ka ri, ka Droupadi Murmu ban tuklar halor ka jingjia ha Ichamati ha kaba ar ngut ki briew ki la shah pyniap.
Ha ka shithi kaba 2 tarik Iaiong 2024, u General Secretary ka VHP u Bajrang Bagra, u la ong ba ha ka 27 tarik Lber 2024, ar ngut ki nongbylla bar jylla ki la shah pyniap ha Ichamati ha ka por ba ka don ka jingialang pyrshah ia ka CAA.
Ula ong ba ka district kaba don ka jingjia ka dei kaba la pyllait na ka ka jingpyntreikam ka Citizenship Amendment Act (CAA) namar ka don ka Sixth Schedule bad kane kala ialam sha ka jingkhlad jong ki ar ngut ki Hindu ha ki briew bym tip satia.
Ula kyntu ia ka President ban tuklar ban phah tohkit ha ka tnad CBI ne ka NIA ban pynshitom ia ki runar. Bad ia ka jingbishar dei ban leh da ka Kashari kyrpang ban pynioh ia ka jingbishar hok ha por kaba sted, bad ban ai kam sorkar, ban buria bad ai jingiada sha kiba haing jong kiba shah pyniap.
Ha kajuh ka por, ula kynnoh ba kane ka jingjia ka dei kaba la thmu lypa da ki kynhun bym tip, ka long ban pyntieng ia ki bar jylla na ka jingisih jaitbynriew ha kaba ki bor synshar kim shym la leh eiei.
U Bagra ula kyntu ia ka President ban tuklar kloi khnang ban wanrah ia ka jingshngain ia ki rit paid ha ka thaiñ, bad dei ban pynshitom ia kito kiba ai bor ban pyllong ia ka jingialang haba dang treikam ka model code of conduct, nalor ba ka CAA kam shym la treikam ha katei ka jaka.
lah sdang leh heh ki shit niam Hindus ia ngi ki trai muluk..lah sngewthuh shai ja jingleh ka VHP kaba treilang bad ka RSS/Bajrang Dal/ Hindu Mahasabha kiba kwah huri hura kum sha manipur..Lada ki pulit ki leh shiliang kan long kaba ima palat ban ka Gaza shane..
kynmaw ka VHP bad Bajrang Dal kiba pyniap iaki Australian missionary ha orissa haki snem 9o’s
paidbah husiat