Shad U Vice Chancelor ka MLCU ha Khyndai Lad

Shillong, 6 Iaiong:
U Vice Chanchellor ka Martin Luther Christian University (MLCU) u Bah RobertG Lyngdoh u la ialam ia ki samla pule kane ka skulbah ban iashad kmen ha Khyndai Lad mynta ka sngi. Kane ka jingmih madan u Vice Chancellor ha Khyndai Lad ka la pynlyngngoh ia kiba bun ki paidbah kiba iaid ba ieng bad la pynlong ia ki ban peit kai.
Ia kane ka jing shad la pynlong da kane ka skulbah shi bynta na ka jingpynlong ia ka MLCU Week- 2015  kaba ai kyrteng ka “Aurora-15”  bad ha kane ka jingshad surok, la iashim bynta ki samla pule bapher bapher.
U Bah Robert u dei u myntri sorkar barim bad u wei na ki nongrwai nongtem ba paw bha ha kane ka nongbah. Mar ia shad u Bah Robert, la pynlong ia ki samla pule ban ia niom lang bad kane ka la pynlong ia ki paidbah nongpeit ban peit sieh bad peitkai kaba la jia ha Khyndai Lad kaba dei ka jaka ba bun briew tam ha ka nongbah.
Ka MLCU ka la  leh khyllah ia kane ban rakhe ia ka tamasa lehkmen ba shi taiew jong ka bad ha kane ka tamasa lehkmen, ka la pynlong ruh ia ki jingialehkai bapher bapher bad kan kut ha ka11 tarik Iaiong.