Shad pyllun pyllun ki langbrot ha China, don kiba kam, ba ka dei ka dak ia ka jing pynjot noh ia ka pyrthei

Shi kynhun ki langbrot ha ka thain Mongolia, kaba don ha China, ki ia iaid pyllun kynhun kynhun bad la iathuh ba katei ka jingiaid, ka la bteng haduh ar taiew kynthih. La iathuh ba kitei ki langbrot, kiba iaid pyllun pyllun, ki dei kiba don ha ka sem kaba number 13.

Katei ka video, ka la iaid iew bha ha kine ki sngi, ha kaba ki don kiba shim, ba katei ka dei ka dak jong ka jing pynjot noh ia ka pyrthei. Utei jong kitei ki langbrot, u kam, ba kitei ki langbrot, ki ia sdang ban ia lum shwa tang katto katne tylli, hynrei, kham hadien, ki sa ia lum lymbung ha u juh u lain bad ki ia iaid lang pyllun pyllun. Ki don 24 tylli ki sem, ha katei ka jaka ri jingri jong ka Miao, hynrei kiba ia lum lang, ki dei kiba don ha ka sem kaba 13.

Don kiba ong, ba katei ka dei ka rukom, kaba ki blang ki ju leh, hynrei ki don pat kiba shim, ba katei ka dak jong ka jingma kaba khraw ia ka longbriew manbriew ha ka pyrthei.

Don kiba ong, ba kitei ki langbrot, ki pyni, ia ka dap jong ka jing pynjot noh ia ka pyrthei bad don pat kiba ong ba katei kam dei ka dak, kaba kdew ia kaba mynta, hynrei ka ban sa wan jong ka jing pynjot noh ia ka pyrthei.

Don pat kiba ong, ba katei ka dei ka dak ba kitei ki blang, ki don jingpang ha ki, hynrei u trai jong kitei ki blang, u iathuh ba kim don jingpang eiei satia bad ki don ha ka met kaba koit ba khiah.