Sha Umkiang, haduh 13 kynta shisngi, ka jingpynlip ding

Shillong: Naduh ba pynbna pynbna ia ka jingpynlip ding, ka thain Umkiang, ka la mad ia ka jingshah pynduh ding, kaba la jubor tasam ha kine ki sngi, ong ka khubor.

Ka jingpynduh ding, ka sdang naduh ka por 8baje mynstep, haduh ka por 1baje nohsngi; nangta ki pynlip biang, ha ka por 1.30 nohsngi haduh 8.30 ne 9baje mynmiet bad kata ruh, da kaba pynlip bad pynmeh shiphang shiphang.

Ka jing pynlip ding, mynta ka poi sha ka 12 haduh 13 kynta ha ka shisngi, sha katei ka thain bad ka la ktah jubor, ia ka shet ka tiew, ia ka trei ka ktah bad kumjuh ia ki khynnah skul, kiba dei ban pyndep, ia la ki jong ki lynnong kot, hadien ba ki la wan phai na skul.