Sha U MR, thoh ki Synjuk Waheh Shnong War Jaintia

Shillong:Ki Synjuk Waheh Shnong War Jaintia mynta ka sngi ki la thoh sha u myntri rangbah ka jylla u Conrad K Sangma ban ai jing iada ia ki shnong ba don haki khappud bad ka ri Bangladesh naka jing shah lute.

Ha ka shithi sha u Conrad K Sangma, ki Synjuk Waheh Shnong War Jaintia ki la pynpaw ba ki nongshong shnong haki thain Bakur bad Muktapur ki la ngat bun sien haka jing shah tuh bad lute haki khar Bangladesh naduh ki tiar ing haduh ki masi kumba 39 tylli. Lyngba ka shithi, ki Waheh Shnong, kila pynpaw ruh ba bunsien kine ki khar Bangladesh ki ju wan lute haki por mynmiet bad phet biang shaki thain Bangladesh hadien baki la dep lute.

Namar kane naka liang ki Waheh Shnong War Jaintia Unit, ki la kyntu ia u myntri rangbah ka jylla u Conrad K Sangma ban ai jing iada iaki shnong ka jylla haki khappud da kaba phah kham bun iaki Pulit ka jylla ne iaki Shipai BSF ban ai jing iada iaki khamtam haki por mynmiet.